Xavi Cols é o primeiro reforzo de Ou Parrulo Ferrol para xogar en Primeira División

Tras anunciar a continuidade de Rubén Orzáez, Diogo, David Novoa e Iván Rumbo, Ou Parrulo informa da primeira incorporación para competir a próxima tempada de liga na Primeira División. Trátase de Xavier Cols Bertrán coñecido deportivamente como Xavi Cols, é un peche nado o 16 de setembro de 1998 en Manresa. Empezou a darse a coñecer nas categorías inferiores do FC Barcelona, na que chegou a ser dúas veces Campión de España de clubs en categoría xuvenil en 2015 e 2017, alternándoo co seu equipo filial o Barça Atlètic, logrando a liga de Segunda División na tempada 2016-2017. Este éxito abriulle as portas do primeiro equipo blaugrana, logrando a disputar varios partidos en Primeira División nas tempadas 2016-2017 e 2017-2018. Isto sería o seu escaparate para a súa progresión, pondo rumbo ao Servigroup Peñíscola en Primeira División onde permanecía dúas tempadas, sendo un dos xogadores de referencia do equipo, disputando 55 partidos e anotando 14 goles.

Non se baixaba da máxima categoría no seu seguinte destino, o Viña Albali Valdepeñas, do que formou parte unha tempada e media entre 2020 e 2022, aínda que no mercado invernal dese ano regresaría ao Servigroup Peñíscola, agora na Segunda División onde conseguiría o título ligueiro e o ascenso directo á máxima categoría na tempada 2022-2023.

O seu último destino foi o Ciudad de Móstoles, en Segunda División B, no que militou estas dúas últimas tempadas, sendo un dos xogadores diferenciais no equipo, axudándolles a conseguir o recente ascenso á Segunda División. Ademais, o novo xogador parrulo xa sabe o que é vestir a camiseta da selección española, ao ser internacional nas categorías sub-18 e sub-21.

Agora Xavi Cols súmase a Ou Parrulo Ferrol para achegar a súa experiencia na Primeira División, co obxectivo de axudar ao equipo para conseguir o seu obxectivo nesta nova tempada.

---

---

---