![Clases de dibujo y pintura](https://img.lavdg.com/sc/KXl6FNyvec1IQGYvXfp7ZLp1VLg=/480x/2024/01/26/00121706297761427859504/Foto/F_20240126_111344000.jpg)
Nas actividades do Espazo + 60 de Afundación en Ferrol
27 ene 2024 . Actualizado á 05:00 h.Os maiores actívanse e gozan das múltiples posibilidades de ocupar o seu tempo con opcións como a que representan as actividades do Espazo + 60 de Afundación en Ferrol. Este venres pola mañá, mentres uns practicaban zoa, outros Pilates e un grupo estreaba a actividade denominada Mañás de Letras, outros como Pilar, Xoana, Fernando, Rafa, Begoña e Carmen poñíanse ás ordes da artista Hedi Ploegstra para iniciar a súa clase de debuxo e pintura. É un máis do medio centenar de grupos de actividades que se reúnen ao longo da semana, cada día, na terceira planta do edificio que preside a praza da Constitución de Ferrol, e que alberga a sede de Afundación na nosa cidade. Ao longo deste curso a oferta de actividades abarca desde talleres gratuítos para aprender novas tecnoloxías, ata ximnasia e benestar, formación permanente en arte, historia, idiomas, literatura, coidados, xadrez, voluntariado e moitas mais. Son moitos os que acoden ás actividades que tamén serven para socializar e compartir experiencias con xente con gustos afíns. Quen proba quedan para sempre.
![Alumnos de la Uned en Exponav](https://img.lavdg.com/sc/je-Yi5THNVaPeoa51nfli154pa0=/480x/2024/01/26/00121706297701749945876/Foto/F_20240126_111811000.jpg)
Coñecendo os museos
E mentres os usuarios do Espazo + 60 de Afundación viaxaban esta semana ás exposicións que nestes días desenvólvense na Coruña, medio centenar de alumnos da UNED Sénior da Coruña visitaron o martes o Museo Naval de Ferrol. Acompañados do coordinador da UNED Sénior e cura de Xestoso, Luis Rodríguez Patiño e guiados polo Subtenente Francisco José Romeo Fonticoba que lles guiou nunha visita que resulto clara e moi amena para o nutrido grupo de visitantes. O museo Naval de Ferrol foi inaugurado o 5 de marzo de 1986, situado no antigo Cuartel de Presidiarios coñecido como Santo Campio, proxectado en 1765. O museo mostra a vinculación da Armada coa cidade desde que en 1726 Patiño elixise a ría de Ferrol e a vila da Graña para construír o arsenal da Armada na costa norte. Os alumnos coruñeses visitaron tamén fai un par de semanas o museo Exponav.