No hospital Marcide continúan ingresados 19 pacientes en planta e seis na uci
03 ago 2021 . Actualizado ás 21:55 h.Os casos activos de covid-19 na área sanitaria de Ferrol seguen subindo, pero en menor medida que días atrás, xa que en 24 horas pasaron de 981 a 990. Nas 502 PCR realizadas nas últimas 24 horas confirmáronse 46 novos contagios, 26 menos que a véspera. Pola súa banda, a cifra de hospitalizados mantense, con 19 pacientes na planta covid do Arquitecto Marcide e seis na unidade de coidados intensivos. O número de vítimas mortais elévase a 223, tras o falecemento no CHUF dun enfermo 84 anos con patoloxías previas.
Desde o inicio da pandemia víronse afectados polo coronavirus 10.200 veciños das comarcas de Ferrolterra, Eume e Ortegal, dos que 8.982 lograron superar a enfermidade. Realizáronse un total de 164.611 PCR, 20.110 probas serológicas e 65.036 doutro tipo.
Por concellos, Ferrol baixa de 185 a 183 novos positivos confirmados nunha semana pero sobe de 378 a 382 no acumulado de dúas semanas; Narón baixa de 75 a 68 e de 159 a 154 nos mesmos períodos; Cariño tamén pasa de 17 a 16 e de 43 a 42; Ortigueira sobe de 10 a 11 e mantense en 31 no cómputo de 14 días; As Pontes segue con 14 nunha semana e sobe de 57 a 60 en dúas; Neda pasa de 16 a 19 e de 24 a 26; Fene baixa de 26 a 25 e de 41 a 40; e Pontedeume sobe de 44 a 46 e de 65 a 70. Pola súa banda, Valdoviño mantense entre 1 e 9 no acumulado dunha semana e sobe de 23 a 25 en dúas; Cedeira segue con entre 1 e 9 baixas de 23 a 20; A Capela baixa de 11 a 10 e mantense con 19 no cómputo de dúas semanas; e Ares mantense con entre 1 e 9 nunha semana e 15 en dúas. Os concellos que se moven na pinza entre 1 e 9 tanto nunha semana como en dúas son Mañón, Moeche, Monfero, San Sadurniño, Mugardos e Cabanas; mentres que Cerdido ten cero casos en sete días e entre 1 e 9 en dúas semanas. As Somozas é o único municipio sen ningún positivo.