Paloma Lago reaparece en Ferrol gozando da natureza, en bicicleta e con música surf
FERROL
A modelo e presentadora retoma as redes sociais, para presumir das belezas de Covas (o seu lugar de residencia) e de novas inauguracións na zona
08 jul 2025 . Actualizado á 16:49 h.«Son constante, como a estrela no Norte». Así encabeza a modelo e presentadora Paloma Lago as súas redes sociais. E así as retomou, tras un mes de parón. A través dunhas stories en Instagram, a ferrolá mostra como é a súa actual vida na súa residencia na parroquia de Covas. Xunto ao mar, gozando da natureza e nun ambiente tranquilo.
Xa hai pouco máis dunha semana, coincidindo cun campionato de surf que se celebraba nas praias de Ferrol, Paloma Lago compartiu unha historia con música surf (co título Surfers Paradise): vestida con gorro de gran viseira, pantalóns e top.
Ver esta publicación en Instagram
De novo con roupa deportiva, onte difundía un paseo que realizaba en bicicleta polos campos de Covas e comentando a agardada inauguración do cámping dAs Cabazas (celebrada tamén este luns). Ademais, no seu perfil de Instagram volveu a colgar publicacións sobre o seu traballo de presentadora e modelo: como uns recordos de Málaga, por unha gala celebrada hai semanas e á que acudiu en traxe vermello.
Deste xeito, Paloma Lago retoma aos poucos a actividade con hashtags como #fantastic ou #goodvibes.