Ábalos emprende accións legais contra Claudia Montes por calumnias e inxurias
ESPAÑA
A ex Miss Asturias culpa a Koldo de acosala sexualmente, e ao exministro de permitilo
18 sep 2025 . Actualizado á 20:45 h.O exministro José Luis Ábalos presentou unha demanda de conciliación contra Claudia Montes, coñecida como Miss Asturias e coa que se lle vinculou sentimentalmente, polas calumnias e inxurias que, ao seu xuízo, verteu contra el e contra Koldo García en diferentes entrevistas.
Ábalos, que sempre negou manter ningunha relación sentimental con Montes, presentou esa demanda, paso previo á querela, nun escrito no que recolle varias acusacións vertidas pola muller contra el e o que fose o seu asesor no Ministerio de Transportes.
A demanda, presentada nos xulgados de Xixón e á que tivo acceso Efe, incorpora tamén a transcrición dunha entrevista en televisión na que Montes culpa a Koldo de acosala laboral e sexualmente. Preséntaa Ábalos por entender que en posteriores programas de televisión acusounos de actuar en conivencia e afirmou que o exministro permitía o trato que lle daba o seu asesor.
Na conciliación, Ábalos agarda que a demandada xustifique por que fixo eses comentarios e pide 25.000 euros de indemnización por danos e prexuízos causados á imaxe de Koldo García.