A eléctrica prevé obter as licenzas para a repotenciación do recinto Coriscada a finais de ano ou principios do próximo
18 nov 2025 . Actualizado á 05:00 h.A Consellería de Medio Ambiente declarou a utilidade pública e a compatibilidade con diversos aproveitamentos forestais do proxecto de repotenciación do parque eólico Coriscada, propiedade de Endesa nos concellos coruñeses de Mañón e Ortigueira. A compaña agarda obter a licenza de obra a finais deste mesmo ano ou principios do próximo, para iniciar uns traballos que consistirán na retirada de 40 aeroxeradores e a instalación de catro novos, sen perder potencia.
Unha vez que se inicien as obras, a empresa comezará as xestións para que unha parte da produción do parque sexa destinada á formalización de contratos de subministración de enerxía eléctrica renovable con pemes da zona.