Lino López, adestrador do Baxi Ferrol: «Todas as xogadoras fixeron un traballo moi bo para o equipo»
DEPORTES
Mostrouse satisfeito polo traballo defensivo das súas na vitoria do GEAS
10 dic 2025 . Actualizado á 21:08 h.O adestrador do equipo ferroláns mostrouse feliz polo triunfo e polo nivel exhibido polas súas xogadoras. «Estou feliz pola vitoria e polo traballo de todas as xogadoras —sinalou Lino López— xa que todas sumaron polo equipo. Defensivamente, fixemos un traballo moi bo durante os 40 minutos de partido, xa que fomos capaces de facer que o seu xogo colapsase. Elas buscaron moitas vantaxes interiores, sobre toda na primeira parte, aínda que presionamos ben á pasadora para que non xogasen doado. No terceiro e no último cuarto fomos capaces de romper o partido nun momento malo que tiveron elas. Fomos capaces de correr, de chegar xogando e de anotar en situación de pick and roll, fixémoslles moito dano desta forma. En xeral, o equipo traballou os corenta minutos».
Insiste en que nos play off vale cada xogada e destaca que o seu equipo estivo sensacional no traballo defensivo.
Sobre se a elas pesoulles o marcador e de aí a diferenza no último cuarto, Lino explica que: «Pode ser, houbo momento nos que, cando nós anotabamos tres canastras seguidas e eramos capaces de roubar algún balón, elas viñéronse un pouquiño abaixo, atacaron de forma desordenada e fomos capaces de colapsar o seu xogo, ese poderío interior que teñen. Nós estivemos moi ben, fomos moi xenerosos en ataque e o esforzo en defensa foi moi grande».
O Baxi regresa o Ferrol con 19 puntos de vantaxe, nun choque no que todo o mundo achegou con moitas rotacións na cancha: «Máis que pensar en rotacións ou en dosificar ás xogadoras, a verdade é que mantiven a xogadoras na pista porque o merecían. Todas as xogadoras que estiveron na pista fixeron un traballo moi bo para o equipo. Defensivamente, eu creo que estivemos a un nivel moi alto. Todo o equipo traballou moi ben e fomos xenerosos no esforzo. Por tanto, a rotación é mérito delas, non é porque eu decidise que descansen. Eu sempre dixen que estes play off son partidos a oitenta minutos, na que cada posesión cada xogada conta e hai que traballar os corenta minutos e o equipo así o fixo».
As ferrolás regresan hoxe a casa, o domingo xogan na cancha do Jairis Murcia.