A última película de Martin Scorsese acumula o dobre de busqueda que «A grande estafa americana» e o triplo que «Gravity» e «12 anos de escravitude»
27 feb 2014 . Actualizado á 17:11 h.Aínda que ata o domingo non se saberá o nome da película triunfadora nos premios Oscars, en Google a gañadora é O lobo de Wall Street, pois nos últimos 90 días xerou máis do dobre de procuras que os seus rivais.
Así o anunciou a compañia estadounidense a poucos días da gran noite de Hollywood, cuxos usuarios buscaron o dobre de veces o nome do último traballo de Martin Scorsese que A grande estafa americana. Os números dO lobo de Wall Street triplican as de Gravity ou 12 anos de escravitude, as máxima nomeadas, que tamén figuran entre as favoritas aos Oscars.
Martin Scorsese e Leonardo DiCaprio, que protagoniza este biopic inspirado na vida do broker Jordan Belfort, tamén dominaron as procuras de Google nos últimos tres meses. Con todo, entre as nomeadas aos Oscars como mellor actriz, Amy Adams polA grande estafa americana e Sandra Bullock por Gravity espertaron practicamente o mesmo interese dos usuarios.
Google non deu a coñecer a cifra exacta de procuras de cada película, cineasta ou protagonistas nomeados aos Óscar.