O lume iniciouse nun anexo onde había unha grella e esnaquizou tanto o mobiliario como a estrutura desa zona
18 oct 2025 . Actualizado á 12:07 h.Os bombeiros do parque de Betanzos tiveron que desprazarse sobre as 5.30 horas deste sábado ata a parroquia de Orto, en Abegondo, alertados por un lume no asador Ou Garaxe situada á altura do quilómetro 10 da AC-221. Foi un particular o que alertou ao 112 de que estaba a arder un anexo do local onde se situaba o comedor e a grella.
A rápida actuación dos bombeiros permitiu controlar o lume con rapidez, aínda que as chamas esnaquizaron por completo o mobiliario e a estrutura desa parte do local. Por fortuna, non houbo que lamentar danos persoais. Os labores de extinción alongáronse durante algo máis dunha hora e media e, pasadas as 7.00 horas, o incendio quedou completamente extinguido. Desde a central de emerxencias do 112 tamén se informou á Garda Civil.