Un camión e un coche impactan de fronte en Ou Chorís de Carballo, un sinistro no que non houbo que lamentar feridos
05 dic 2025 . Actualizado á 20:35 h.Unha persoa resultou ferida nun accidente de tráfico ocorrido este venres. A alerta activouse pasadas as catro da tarde na autovía da Costa da Morte. Sucedeu no punto quilométrico 45, á altura da Agualada, Coristanco, nas inmediacións do ramal que enlaza coa AC-421.
Todo apunta a unha saída de vía (dirección Carballo). Foron mobilizados Protección Civil de Coristanco, Tráfico da Garda Civil e Urxencias Sanitarias. A persoa que ía ao volante foi trasladada a un centro hospitalario por unha forte contusión na cabeza, entre outras lesións. No momento de producirse o sinistro rexistrouse un intenso chuvieiro, que puido influír no accidente.
Por outra banda, un camión e un coche víronse implicados nun accidente en Ou Chorís de Carballo. Todo apunta que o camioneiro realizou un xiro demasiado aberto para incorporarse a unha rúa e impactou de fronte contra un turismo. Non houbo que lamentar danos persoais e os dous condutores deron negativo na proba de alcoholemia á que foron sometidos.