A deputada socialista Silvia Longueira falou en termos de obras en execución como en funcionamento diario do hospital
05 dic 2025 . Actualizado á 05:00 h.A deputada socialista Silvia Longueira advertiu da situación que sofre o Complexo Hospitalario Universitario da Coruña (Chuac). Asegurou que «chegou ao límite» e responsabilizou da «desorganización e falta absoluta de planificación» á Xunta. Longueira falou en termos de obras en execución como en funcionamento diario do hospital.
A deputada socialista fixo fincapé en unidades como a cuarta planta, na que, segundo ela, está a hospitalizarse a pacientes en corredores abertos, «sen tomas de osíxeno» e sen vixilancia «continuada». Uns pacientes que están expostos «as conversacións clínicas e ás curas en plena área de tránsito».