Morre un veciño de Muros que caeu desde catro metros de altura mentres realizaba tarefas de poda
MUROS
O rescate foi complexo porque o home quedou encaixado nunha gabia
30 nov 2024 . Actualizado á 13:56 h.Un veciño de Muros de 63 anos de idade faleceu na tarde deste venres despois de precipitarse a unha gabia desde unha altura duns catro metros. Pasadas as 17.00 horas, o home estaba a realizar tarefas de poda na horta da súa casa cando caeu e sufriu un forte traumatismo na cabeza que acabou causándolle a morte.
A horta na que traballaba a vítima está anexa a uns edificios en cuxa parte posterior hai unha profunda gabia. Aí é onde foi parar o falecido, que quedou encaixado no foso, o que complicou as tarefas de rescate. Á zona, no lugar de Ou Cabo, na saída da vila de Muros cara ao faro de Rebordiño, desprazáronse de inmediato o GES, a Garda Civil, Policía Local, o 061 e persoal do PAC de Muros, que nada puideron facer por salvarlle a vida.
En lugar no que caeu o home é unha zona delicada e os bombeiros do GES de Muros necesitaron de arneses para lograr rescatar o corpo da vítima, que xa falecera cando lograron chegar ata ela.