A UIC Barcelona School e a Fundación RIA presentan as súas ideas para rexenerar a comarca de Barbanza
BARBANZA
Os alcaldes de Ribeira e A Pobra asistiron á inauguración da exposición de proxectos e valoraron positivamente a iniciativa
14 jul 2025 . Actualizado á 13:08 h.A Fundación RIA que preside David Chipperfield segue traballando en iniciativas para rexenerar os concellos de Barbanza, e nesta mesma liña acaba de presentarse na sede da entidade en Santiago unha exposición que reúne todas as propostas realizadas por un grupo de alumnos de Arquitectura da UCI Barcelona School para pór en valor distintos espazos de Rianxo, Boiro, Ribeira e A Pobra. Precisamente, os alcaldes destes dous últimos municipios, Luís Pérez Barral, e José Carlos Vidal, xunto coa tenente de alcalde pobrense Amparo Cerecedo, asistiron ao acto onde puideron descubrir orixinais solucións arquitectónicas.
Os mandatarios barbanceses valoraron moi positivamente esta iniciativa, «porque é unha honra ver que o noso territorio esperta interesa en futuras xeracións de arquitectos que traballan desde a sensibilidade, o respecto polo medio ambiente e a vontade de mellorar a calidade de vida da veciñanza», sinalou o rexedor ribeirense.
Tanto el como José Carlos Vidal recoñeceron que as ideas propostas para rexenerar varios espazos dos seus municipios eran moi interesantes e confiaron en que ningunhas se poidan levar á práctica. Así mesmo, recoñeceron a importancia de seguir colaborando coa Fundación RIA, así como con universidades e outras Administracións.