O brasileiro procede do MFC Aktobe e firma por unha tempada, con opción de ampliar unha máis
11 jul 2025 . Actualizado á 18:19 h.O Noia Portus Apostoli anunciou a súa terceira incorporación. Ao pivote Ismael López e a á-peche Daniel Varlasona únese agora o peche Carlos Eduardo, coñecido deportivamente como Churrasco. O futbolista natural do Brasil procede do MFC Aktobe e firma por unha tempada, con opción de ampliar unha máis.
Churrasco apontoa así o posto de peche, que compartirá co propio Varsalona e con Montero, que continuará unha campaña máis como cedido no Agustín Mourís. Desde esa zona da pista, destaca o club, o brasileiro «asegura personalidade e contundencia, ao que une a capacidade de sorprender ao ataque con perigosas incorporacións».
Aos seus 29 anos, viviu xa varias experiencias deportivas na súa carreira. No 2018 puxo rumbo a Lituania, onde gañou a liga e a copa co FK Vytis. No 2020 volveu ao seu país, xogando ata o 2024 en Brasília Futsal, Foz Cataratas, onde compartiu vestiario con Peixe, e o Futsal São Lorenzo, desde o que saíu a Casaquistán.
Nesta pasada tempada no MFC Aktobe completou a súa mellor actuación a nivel de números, con 19 goles e 13 asistencias, sendo unha peza crave no seu equipo para conseguir o cuarto posto no campionato ligueiro.