A entidade celebrou as súas tres décadas de vida cunha comida
30 may 2024 . Actualizado á 05:00 h.Xa pasaron 30 anos desde que un grupo de profesionais e familiares de persoas afectadas por enfermidades mentais decidiu unirse para dar un paso moi importante: crear a asociación A Creba. Grazas ao grande esforzo realizado ao longo de todo este tempo, a entidade non parou de crecer, sumando numerosos recursos e especialistas para mellorar a calidade de vida dos usuarios.
Para festexar estas tres décadas de actividade, onte celebrouse no restaurante Casa Vilas de Olveira unha comida de confraternidade na que participou a gran familia da Creba, así como varios representantes institucionais dos distintos concellos da comarca. Durante o encontro houbo tempo para repasar todo o vivido estes anos, e tamén para analizar os retos de futuro.
Segundo recoñeceron os membros da asociación, ademais de facer máis visible esta enfermidade, hai que entender que é un problema «que non só afecta ás persoas cun diagnóstico de saúde mental crónico, senón que nos últimos anos evidénciase como una necesidade socia colectiva».