O vento acadou o 150,6 km/h en Viveiro e A Mariña volve rexistrar as temperaturas máximas de Galicia
VIVEIRO / LA VOZ
VIVEIRO
A estación viveirense de Penedo do Galo e a da Gándara, en Vimianzo, contabilizaron os refachos máis intensos durante a madrugada
09 dic 2025 . Actualizado á 22:18 h.O vento continúa sendo o protagonista na comarca. A estación de Penedo do Galo, en Viveiro, rexistrou ás 02.20 horas un refacho de 150,6 quilómetros por hora. É o maior rexistro dos que ás 9.15 horas desta mañá informaba Meteogalicia. 150,6 km/h tamén se acadaron na estación da Gándara, en Vimianzo, varias horas despois, concretamente ás 06.50.
Ademais, A Mariña continúa figurando entre as zonas coas temperaturas máis altas de Galicia, segundo a mesma fonte. A estación de Pedro Murias, en Ribadeo, rexistrou 19,9 graos ás 07.40 horas desta mañá.
A de Santa Cruz, no Valadouro, notificou os 18,2 graos ás 01.10 horas; a de Lourenzá, 18 graos ás 05.10 e a de Borreiros, en Viveiro, 17,9 graos ás 06.00 horas.