Viveiro prohibe temporalmente o baño nas praias de Seiramar, Covas, Celeiro e Area pola vertedura de xurro ao Landro

O Concello de Viveiro prohibiu temporalmente o baño nas praias de Seiramar, Covas, Celeiro e Area como consecuencia da vertedura de xurro que desde o venres pola tarde afecta o río Landro, e que, entre outros, obrigou a paralizar a captación de auga da ETAP (estación de tratamento de auga potable) situada en Landrove debido aos elevados índices de amonio detectados nas analíticas. Unha instalación que fornece auga aos ao redor de 15.000 habitantes do municipio. 

O goberno local advirte de «posibles afeccións» nos areais derivadas da citada vertedura, que se orixinou nunha explotación de gando porcino situada no municipio de Muras, onde rompeu unha balsa de xurros que derramou o seu contido na canle fluvial.

O Concello de Viveiro restrinxe preventivamente o uso da auga da traída e pide que non se use para beber, cociñar ou lavar os dentes

La Voz

Mariña Gueimunde, alcaldesa de Viveiro: «Se o vertido de purín ó río chega a entrar nos depósitos da auga, a liada sería tremenda»

Lucía Rey

Axentes da Garda Civil do Seprona (Servizo de Protección da Natureza) investigan o ocorrido, mentres que desde a Consellería de Medio Ambiente informan de que este sábado están despregados na zona onde se orixinou a vertedura tres axentes facultativos ambientais, así como dous gardas de recursos naturais, coordinados polo director territorial. Ademais, Augas de Galicia mantén técnicos do Programa de Control de Verteduras, que levan a cabo unha valoración global da zona. 

---

---

---