A asociación de familias neurodiversas, Asfanemor, conmemorará o Día Mundial do Autismo este mércores en Viveiro
VIVEIRO
Haberá un acto simbólico ás 18.30 horas fronte á Porta de Carlos V
02 abr 2025 . Actualizado á 11:50 h.Asfanemor, a Asociación de familias neurodiversas da Mariña e Ortegal, conmemorará este mércores, 2 de abril, en Viveiro o Día Mundial do Autismo, tamén coñecido como Trastorno do Espectro Autista (TEA). Haberá un acto simbólico ás 18.30 horas fronte á Porta de Carlos V. Ao redor dunhas corenta familias de diferentes concellos mariñáns como Viveiro, O Vicedo, Xove ou Burela, e da comarca de Ortegal, como Mañón, Ortigueira ou Cariño con nenos con neurodivergencias como TEA, altas capacidades, TDAH, dislexia e outros trastornos da linguaxe, síndrome de Down ou outros, integran o colectivo recentemente creado. Tratarán de visibilizar e concienciar á sociedade sobre un tipo de trastornos que sofren cada vez máis nenos e adolescentes, así como de buscar apoios e reforzos nos ámbitos sociosanitario, educativo, cultural ou lúdico.
Diferentes centros de ensino da zona están a enviar estes días información ás familias sobre o novo colectivo.