O acto terá lugar o sábado 25 de outubro e a recadación destinarase a Servizos Sociais
21 oct 2025 . Actualizado á 20:42 h.O profesor Pepe Otero presentará este sábado, día 25 de outubro, o seu novo libro titulado «Un paseo polo labirinto». O acto terá lugar no salón de actos da Casa dá Cultura de Foz, ás 12.30 horas, segundo avanza a concelleira de Cultura, Inés López Couto.
Ao acto acudirán Darío Villanueva, quen fose director da Real Academia Española, e o escritor Ramón Reimunde. Os dous intervirán no acto xunto ao autor do libro.
Desde o Concello adiantan que a recadación da venda dos exemplares será doada aos servizos sociais municipais. Colaboran nesta iniciativa as librerías locais Baía, Ofifoz e A Rapadoira.