Fin de semana de concertos na Mariña: Calibre91, tributo a Red Hot Chili Peppers, Mike Ross Band e o festival Breason con Biznaga, Grande Amore, Malvela ou 9Louro
A MARIÑA
Comezan este venres co grupo madrileño de pop urbano de moda, Calibre91, nA Conserveira, e continuarán os demais o sábado en Ribadeo, Viveiro, Mondoñedo e Trabada
07 nov 2025 . Actualizado á 22:45 h.O grupo madrileño de pop urbano Calibre 91 abrirá hoxe venres a axenda de concertos na Mariña; será nA Conserveira, en Celeiro-Viveiro, ás 22.30 horas, dentro da súa xira por Galicia. É un dos grupos de pop urbano de moda agora en España. O sábado A Conserveira ofrecerá un concerto tributo aos Rede Hots Chili Peppers, o grupo de rock californiano.
Tamén o sábado o Cine Teatro de Ribadeo acollerá un concerto dunha banda de rock blues internacional, Mike Ross Band, ás 22.30 horas (dentro do Vendaval Fest).
E tamén este sábado en Mondoñedo celébrase o festival Breason Fest, con Biznaga, Grande Amore, Malvela ou 9 Louro, entre outros grupos como Meniños dá Mariña, Femfarria, María Raxeta ou Señora dj. Pola tarde a partir das 18 horas. Haberá zona de acampada e festa de magosto para pasar unha boa xornada de música.
E aínda falta o festival de dj´s que organiza tamén o sábado Trabada, coa participación de Alejandro Martínez, The Sound Project, Litainer e Pedro Brmudz a partir das 21 horas na praza.