A presidenta e directora executiva do Grupo Leite Río visitou o seu antigo instituto no barrio lucense da Piringalla, hoxe IES Anxel Fole, para compartir co alumnado as claves do éxito empresarial da láctea lucense. Durante a nova edición de «De 0 a 100», o programa de La Voz en colaboración coa Consellería de Educación, detallou que o seu pai, Xesús Lence, empezou no negocio despois de que un camioneiro pagase unha débeda que tiña con el con camións de transporte de leite. Recoñece ser «fiel ao legado e á figura do fundador, moi de mando e ordeno» pero ao mesmo tempo, dende a súa chegada á presidencia en 2019, cando el morreu, fixo unha aposta pola dixitalización e a reorganización da estrutura empresarial apostando «pola innovación para ser máis eficientes nun mercado tan competitivo como o do leite». En clave de futuro confirma que Lácteos Lence vai tentar medrar dende a actual produción de 300.000 toneladas anuais e unha facturación de 208,4 millóns de euros para chegar a ser a terceira empresa leiteira do país
I. García
/
Á. López-Benito
/
S. Rouco