Os looks para brillar como unha estrela estas festas

Hai persoas que teñen a capacidade de converter en tendencia todo o que tocan. Iso é o que pasa cos looks que comparte ao mundo a galega Aldara Sedes (@aldarasm) desde o salón da súa casa na Coruña. Inspirados polas súas propostas para o día a día, en YES lanzámoslle un reto: como vestirse estas festas de forma cómoda, sinxela e resultona. Este é o resultado! 

COMO ROSALÍA

O cloud dancer é a cor elixida por Pantone para o 2026: un branco natural que lembra moito á estética de Rosalía en Lux. Inspirados no seu momento relixioso, a modelo Aldara Sedes vístese desta cor para celebrar estas festas con YES cun vestido lencero e brazalete dourado de Catro Illas.

De corte escultórico

Para o segundo look de Nadal, Aldara posa na oficina de Gilda Studio, na Coruña, con este look viral de Zara. O top negro é unha das pezas da nova colección do xigante téxtil, que a galega combina cun toque de marrón nos pés, cunhas sandalias con lazo, e unha americana no mesmo ton. A maquillaxe, da man de Clinique, inspírase nas tendencias actuais: un acabado natural, que potencia «unha pel sa, limpa e luminosa; unha maquillaxe puída, sen exceso, onde a naturalidade e o coidado son o verdadeiro luxo».

Da oficina á cea do amigo invisible

Para poder superar con éxito os eventos deste nadal o mellor son os looks que se adaptan a calquera momento do día. O que leva Aldara Sedes nesta foto serve para ir traballar pola mañá á oficina e transformalo nun look de festa pola noite. O pantalón e a blusa forman parte da nova colección da firma galega Astam. O toque de festa achéganllo as sandalias con lazada de Zara e o toque do brazalete dourado de Catro Illas, sobreposto sobre a camisa.

Un clásico: o vermello

Non hai nadal sen un toque de vermello: na árbore, na mesa ou no armario. O mellor é que, neste caso, Aldara leva nun look moi abrigadito e válido para calquera comida do Nadal prevista para este mes: o vestido fluído é de Astam. «É unha peza que sinta ben a todo o mundo», conta Olalla, unha das cofundadoras desta marca galega. O poncho é unha peza de mohair que combina con calquera look de festa. Nos pés, a protagonista desta reportaxe posa cunhas botas altas de Pull&Bear.

Algo estampado

Para Aldara os looks diante do espello son os seus día a día. Os seus vídeos creando looks superan o millón de visualizacións. O seu estilo é facilmente copiable. Para esta proposta de festa leva un toque de estampado con estes pantalóns confeccionados en Arteixo dA Folie. A capa en cor champaña é de Catro Illas, igual que o colgante dourado, unha das tendencias deste ano. Nos pés, a nosa modelo para esta reportaxe do Nadal con moita estrela leva unhas

---

---

---