A proxenitora asegurou pedir ao xulgado unha orde de afastamento do mozo de 29 anos, pero non lle foi concedida
29 jun 2025 . Actualizado á 20:26 h.Un home de 29 anos foi detido este domingo en Vigo por efectivos do Policial Local, tras requirir auxilio a súa nai despois de ser agredida polo mozo. Segundo o relato dos feitos realizado polos axentes do corpo municipal, cara ás 17.15 horas da tarde foron requiridos por unha muller que aseguraba ser agredida cun garfo polo seu propio fillo tras unha discusión orixinada na comida a conta dun bote de perexil.
A muller fixo constar que mentres comían no domicilio de ambos na rúa Mestre Mateo, da Travesía de Vigo, produciuse o citado enfrontamento, insultando e ameazando o mozo no medio dunha forte discusión que acabou cunha ferida no brazo dereito da nai realizada cun garfo. Segundo solicitou a Policía Local, o fillo inmobilizouna contra unha parede na mesma cociña, proferíndolle berros a escasos centímetros da cara e volveu repetir unha escena similar no baño, onde ela se refuxiara.
A nai interpuxo unha denuncia por violencia doméstica, e asegurou aos axentes que xa solicitara unha orde xudicial de afastamento, pero que esta non se lle concedeu.