Foi seleccionado nunha gala celebrada en Salou, Tarragona
27 oct 2025 . Actualizado á 11:38 h.Guillermo Lago, de 18 anos e natural de Redondela, foi proclamado esta fin de semana en Tarragona como míster RNB España 2025. O mozo foi seleccionado entre todos os aspirantes que se reuniron o sábado en Salou e será o encargado de defender o seu título no certame internacional que se celebrará en Polonia o ano que vén, en xuño ou xullo.
Lago é míster Pontevedra 2025 desde hai case un ano e, segundo sinalan desde a organización, «traballou de forma constante xunto á delegación RNB na provincia galega para lograr unha preparación integral tanto física como persoal. O seu esforzo, constancia e madurez permitíronlle destacar entre máis de 50 candidatos procedentes de toda España».
Na gala celebrada en Cataluña, tamén estiveron presentes, ademais das autoridades municipais, Swann Lavigne, Míster Supranational 2025 (Francia), Kirk Bondade, Míster International 2025 (Filipinas) e Alejandro Ortega, Míster Global 2025 (España). Segundo lembran desde a organización, outro pontevedrés, Iván Álvarez, foi elixido no 2023 gañador de míster supranational España.