A vítima, de 52 anos, foi achada sen vida con signos de asfixia nunha vivenda da rúa Correos un día despois de denunciarse a súa desaparición en Pazos de Borbén
02 ago 2025 . Actualizado á 12:09 h.A Garda Civil investiga a morte violenta dunha muller cuxo cadáver foi localizado este venres nun piso da rúa Correos, no centro urbano do Porriño. É a segundo en menos de sete días. A vítima, María del Sol Oliveira Pereira, de 52 anos, veciña de Pazos de Borbén e nada en Nigrán, foi dada por desaparecida na noite anterior. A denuncia foi presentada polo home que afirmaba ser a súa parella.Esta tarde a Garda Civil tomoulle declaracións a el e amigas da vítima. Fontes policiais aseguran que o feito se está investigando como crime, aínda que non se descartan outras hipóteses. O subdelegado do Goberno na provincia de Pontevedra, confirmou que a muller exercía a prostitución. Abel Losada confirmou que a muller foi localizada «con signos de violencia» e que «se baralla a posibilidade dunha morte violenta». Nas súas declaracións engadiu que a vítima «exercía a prostitución» e que «non tiña denuncias activas no sistema Viogén» —o protocolo de seguimento de casos de violencia de xénero.
Sol morreu asfixiada. Unha compañeira atopou o seu corpo no piso no que recibía aos seus clientes. Estaba tendida no chan, tiña algún negrón e arrincábanlle un pendente. Os veciños afirman non coñecela, aínda que ningún contou que leva uns anos véndoa entrar nese piso. Javier, outro veciño, indica que o leva catro anos vivindo alí e que non lla atopou nunca. «Ao parecer era unha muller moi reservada».O alcalde do Porriño tamén dixo que o piso era compartido.
Ao lugar desprazáronse efectivos da Policía Xudicial da Garda Civil do Porriño, da Unidade de Criminalística e a médica forense, que participan no levantamento do cadáver e a inspección ocular. Fontes próximas ao caso confirman que se trata dunha morte violenta, aínda que polo momento non transcenderon máis detalles sobre as circunstancias nin sobre posibles detidos.
A policía científica tomou mostras do cadáver da muller para tratar de dar coa causa do fallecimieno, que leve ao seu esclarecemento. O corpo foi recollido para facer a autopsia.
Varios veciños do Porriño mostrábanse este mediodía costernados. «Dúas asasinadas nunha semana, pero que pasa aquí?», dicía unha muller que paseaba co seu can pola zona pouco despois de que chegase a Garda Civil. Esta é a segunda morte violenta que se produce esta semana no Porriño, tras o crime de Teresa de Jesús Rodríguez González, auxiliar do servizo de axuda no fogar (SAF, pola siglas en galego) a mans do marido dunha usuaria. Ademais, tamén é a segunda morte violenta dunha muller que se dedica á prostitución en dous anos. En novembro de 2023, Casimiro Feijoo foi detido polo asasinato de Judith Muñoz, que vivía en Vigo en é ese momento. O cadáver achouse con evidentes signos de violencia nunhas matogueiras, tras dous colectores, no polígono das Gándaras, no Porriño.