Os veciños temen novos desprendementos na zona
03 may 2025 . Actualizado á 21:54 h.A alcaldesa de Mos, Nidia Arévalo, tres concelleiros e o arquitecto municipal visitaron onte un terraplén colapsado na autovía A-55 en compaña de técnicos da unidade de Estradas do Ministerio de Transportes e responsables da empresa concesionaria do mantemento do vial. Hai vivendas afectadas por desprendementos de terras. Realizouse unha revisión visual da zona afectada e recolléronse datos sobre as características xeolóxicas do terreo, a vexetación e os sistemas de regadío. Mos esixe medidas preventivas para garantir a seguridade das casas.
Os veciños presentes manifestaron o seu malestar e preocupación polos riscos derivados do desprendemento e polo impacto que esta situación ten na súa vida diaria. Agradeceron a presenza das autoridades e solicitaron actualizacións periódicas sobre os traballos e as medidas de seguridade. Esta nova inspección forma parte das reclamacións continuas do Concello de Mos ao Ministerio para abordar tanto este incidente puntual como a falta de mantemento das vías estatais do Ministerio ao seu paso por todo o termo municipal mosense. Para iso, requírese un compromiso firme por parte do Gobierno central para achegar solucións canto antes e previr futuros incidentes mediante actuacións técnicas adecuadas.