A Garda Civil, os Servizos Sociais e o Concello mobilizaron xeradores para garantir a seguridade pero non foron precisos. Dous foron trasladados ao hospital
29 abr 2025 . Actualizado á 13:32 h.A principal preocupación en Mondariz durante o apagamento foi a atención aos veciños máis vulnerables, segundo explicou o alcalde, Pablo Barcia. «A través da Guardia Civil e Servicios Sociais fomos localizando a todos para poder poñernos en contacto con eles. Dous foron levados ao Álvaro Cunqueiro e para outros tres xa tiñamos xeneradores, por se se lles acababan as baterías dos respiradores a casa», detallou.
A noite transcorreu con tranquilidade e non se rexistraron incidentes de vandalismo. Desde primeira hora da mañá, traballadores do departamento de Servizos Sociais visitaron quince domicilios que consideraron podían presentar algunha dificultade. «Todo revisado e sen máis problema. Só agora de mañá precisaron un xenerador e elvouselle ao veciño polo tema do respirador pero xusto volveu o subministro, hai luz en todo o municipio», relatou o alcalde.