![](https://img.lavdg.com/sc/J4LZYgY8PTWPnVRG3I0CNsOgDQU=/480x/2024/06/02/00121717359602156746626/Foto/j_20240602_221403000.jpg)
O dianteiro branquiazul non fallou á cita co gol e abriu unha actuación descomunal en Castalia
02 jun 2024 . Actualizado á 22:23 h.Outra obra de arte de Lucas Pérez e xa van unhas cantas durante esta tempada. Transcorría o minuto 28 de partido, co Deportivo en desvantaxe no marcador tras o gol de Aurelio (1-0), e apareceu o de sempre, Lucas Pérez.
Davo aproveitaba un rexeite do defensa local, Vertrouwd, para mandarlle o balón en profundidade ao de Monelos que, en posición legal, batía cunha preciosa vaselina ao meta local, Gonzalo Crettaz. Tras o tanto, o dianteiro branquiazul celebrouno como sempre: bicando o escudo.
Xusto cando parecía que o partido se ía a ir con empate no marcador ao descanso, volveu aparecer o dianteiro nunha contra fulgurante. Salva Sevilla mandaba un balón en longo a Lucas Pérez e o de Monelos regaláballe o gol a Mella para anotar o segundo e marcharse con vantaxe ao entretiempo.
Tras o descanso, Lucas marcaba o terceiro do Deportivo, e o segundo na súa conta particular, tras unha gran xogada colectiva empezada e rematada polo dianteiro branquiazul. Non rematara. A 15 minutos do final, serviulle en bandexa o 2-4 a Davo.
Nesta tempada, o dianteiro branquiazul foi fundamental para a consecución do ascenso a Segunda División. O 7 branquiazul toaliza agora 15 goles e 19 asistencias sumando tempada regular e o play off. Tamén mollou na Copa.
Ademais, marcou un gol fundamental o de falta directa fronte ao Barcelona B que supuxo o ascenso diante de 31.833 afeccionados en Riazor. E de novo reivindicouse na eliminatoria da final de Campións fronte ao Castelló.