O técnico galego do Real Unión encomiou a súa figura e lembrou a súa frase «Coidado coa festa que no la quitan dos fuciños»
21 may 2024 . Actualizado ás 16:59 h.O Real Unión chega á última xornada de Primeira Federación coa permanencia en xogo. Para iso o equipo vasco viaxa a Riazor para enfrontarse o sábado (19 horas, TVG 2) a un Deportivo que xa logrou o ascenso a Segunda División.
Os de Fran Xusto, adestrador galego do Real Unión, ocupan a décimo terceira posición na clasificación, con dous puntos por amais da zona de descenso. Válelles conseguir un punto en Riazor para lograr a salvación, xa que, en caso de igualdade final supera a todos os equipos cos que loita pola permanencia en Primeira Federación (Sabadell, Sestao, Fuenlabrada e Tarazona).
O técnico galego, tras lograr unha agónica vitoria contra o Fuenlabrada o pasado sábado por 2-1, compareceu en rolda de prensa e fixo uso dunha das míticas frases de Arsenio Iglesias , lenda deportivista.
«Agora temos que festexar e a partir de mañá descansar. Arsenio, un dos mellores adestradores da historia do Deportivo, sempre dicía Coidado coa festa que no la quitan dos fuciños», expresaba un Fran Xusto en rolda de prensa que advertía da excesiva euforia tras a vitoria contra o Fuenlabrada.
«Como dicía o Bruxo, imos ter coidado, de nós depende , estamos a dar pedaladas e esta fin de semana temos que rematalo. Imos descansar e preparar esa final nun estadio de fútbol profesional, como se merece o Deportivo», concluía o técnico ourensán o sábado pasado.