O club oscense fai oficial a fichaxe do centrocampista coruñés por dúas tempadas apenas 24 horas despois de que o Deportivo anunciase a rescisión do seu contrato
03 ago 2019 . Actualizado ás 16:29 h.Era inminente e xa se fixo oficial. O Huesca acaba de comunicar a fichaxe de Pedro Mosquera, que se incorpora ás filas do conxunto oscense para as dúas próximas tempadas. O centrocampista coruñés porase ás ordes de Míchel tan só un día despois de que o Deportivo anunciase a rescisión do seu contrato.
Mosquera convértese así na sétima fichaxe do Huesca para a próxima tempada, un teórico rival directo do Deportivo na loita polo ascenso a Primeira División.
Despois de catro anos nas filas deportivistas, o centrocampista, que se despedía esta mesma mañá da afección coruñesa nunha emotiva carta nas súas redes sociais, empeza nova vida nun club que destacaba a súa fichaxe como un dos «máis cobizados do mercado estival» xa que «conta cunha ampla experiencia, avalada por 150 partidos en Primeira e máis de 50 en Segunda»
