O lateral dereito Leto ocupa a praza de Vilares no Fabril e Segado a de Ortuño na Laracha. O alacantino marchou cedido ao Eldense despois de renovar o seu contrato ata o 2022
16 ene 2019 . Actualizado á 20:32 h.Máis movementos no Fabril. Carlos Ramírez Gálvez (As Palmas, 1995), coñecido futbolísticamente como Leto, converteuse na terceira incorporación do Fabril no mercado invernal. Lateral dereito, que xa non é sub-23 e que por tanto non poderá alternar co primeiro equipo, chega procedente do Lleida Esportiu, co que apenas xogou 5 partidos na primeira volta (18, desde que asinou en xaneiro do 2018). Antes, pasou polas canteiras do Zaragoza, Córdoba e As Palmas. Leto intentará reforzar un lateral que viña defendendo nos últimos partidos o xuvenil Valín, tendo en conta que a Blas xa lle comunicaron que ten as portas abertas para saír. Concretamente, dixéronlle que se quere xogar debe buscar equipo, porque no Fabril será «o terceiro lateral».
O filial branquiazul acudiu ao mercado invernal con só unha ficha libre para novas incorporacións. A pasada semana reforzouse co extremo esquerdo Abeledo (que xa debutou) e o medio Segado, que acaba de ser inscrito como xogador da Laracha. Leto ocupará a ficha no Fabril de Vilares, que o martes formalizou o seu regreso ao Racing Vilalbés.
Ortuño, ao Eldense
O Fabril, pechacancelas do grupo 1 de Segundo B, busca máis reforzos no mercado, pero agora mesmo ten as 22 fichas cubertas, tamén as 22 da Laracha, equipo do que saíu nas últimas semanas o prometedor Ortuño. O alacantino, que xa disputou 8 partidos co Fabril (7 a pasada tempada sendo xuvenil), marcha cedido ao Eldense tras renovar co Deportivo ata o 2022.
Á falta da inscrición de Leto, os outros 21 xogadores do Fabril con ficha federativa son: Pedro López, Álex Cobo, Blas, Fornos, Raúl, One, Lucas, Gazika, Carlos, Gandoy, Javi Cobo, Sebastien, Víctor, Luismi, Abeledo, Juanje, Bicho, Jony, May, Uxío e Pedro Correia. Pola súa banda, os 22 da Laracha son: Angeriz, Iago Blanco, Boedo, Santi Canedo, Adri Castro, Concheiro, Ricardo, Eimil, Nacho, David García, Antonio, Iván Martínez, Manu Mosquera, Novo, Sito, Parga, Ramsés, Sandá, Kanouté, Leo e o citado Segado.
Tamén hai novidades no Xuvenil A, sétimo a 16 puntos do líder, o Celta. O central Castrín tamén marchou ao Vilalbés.
