«Atrápame se podes» fai castings para buscar concursantes en Vigo, Lalín e Narón
TELEVISIÓN
Todas aquelas persoas interesadas, que non poidan acudir presencialmente a ningún casting, poden mandar un correo cos seus datos a atrapamesepodes@crtvg.gal
25 feb 2024 . Actualizado ás 05:00 h.O concurso presentado por Paco Lodeiro anda a procura de novos participantes que queiran facerse co bote do programa, que agora mesmo supera os 24.000 euros.
O equipo do Atrápame podar trasládase a tres centros comerciais galegos para atopar xente que queira vivir unha experiencia única en televisión e que se anime a responder ás preguntas sobre cultura xeral que de sábado a mércores ás 22 horas fai Paco Lodeiro na Televisión de Galicia.
Esta semana serán Vigo, Lalín e Narón os concellos que recibirán a visita do Atrápame. O martes 27 de febreiro o set do programa instalarase no Centro Comercial Camelias de Vigo, o mércores 28 de febreiro estará no Pontiñas Centro Comercial de Lalín e o xoves 29 de febreiro, no Centro Comercial Odeón de Narón. O horario para participar será de mañá (de 11 a 14 horas) e de tarde (entre as 16 e as 19 horas) e o único requisito para presentarse é ser maior de idade.
Todas aquelas persoas interesadas, que non poidan acudir presencialmente a ningún casting, poden mandar un correo cos seus datos a atrapamesepodes@crtvg.gal, xa que o casting en liña está aberto todo o ano.
O concurso leva repartidos dende os seus inicios máis de 250.000 euros en premios, entre eles dous botes, o primeiro de 12.200 euros e o segundo de 101.800 euros. Este último foi o premio máis alto da historia da Televisión de Galicia e gañouno o profesor de música Iván Pantín Vázquez.