As remuneracións mensuais oscilan entre 1.185 e 2.311 euros
27 mar 2025 . Actualizado á 09:08 h.Con carácter retroactivo desde xaneiro, os asalariados do sector español da acuicultura cobrarán este ano un 3% máis que o pasado, de acordo coa revisión acordada pola Asociación Empresarial de Acuicultura de España (Apromar) e polos sindicatos CC.OO. Industria e FICA-UGT. Segundo as últimas cifras publicadas pola patronal do sector, incumbe a uns 4.800 empregados.
Apromar explica no seu último informe anual que a maioría dos 10.254 empregos que xeraba a acuicultura española no 2022 eran autónomos, principalmente do subsector do mexillón. De aplicación durante todo o 2025, as novas táboas salariais revelan que as remuneracións mensuais oscilan entre case 1.185 e 2.310 euros. O pago da diferenza entre o que percibiron no que vai do 2025 e os novos soldos entra en vigor este 27 de marzo, «podendo ser prorrateados os atrasos nos tres meses seguintes».