O noroeste peninsular non se verá moi afectado polas precipitacións intensas que afectarán o nordeste do país
11 jul 2025 . Actualizado á 12:33 h.A Axencia Estatal de Meteoroloxía (AEMET) emitiu unha alerta especial pola chegada dunha nova dana a través do noroeste da Península Ibérica. Esta depresión illada en niveis altos desprazarase durante a fin de semana ao este peninsular. Como consecuencia disto, agardan choivas intensas, saraiba grande, refachos de vento e tormentas na metade norte e no terzo oriental do país. As comunidades máis afectadas por este suceso serán Cataluña, Aragón, País Vasco, Navarra e A Rioxa. En menor escala, tamén se verán condicionadas algunhas zonas de Asturias, Cantabria e do norte de Castela e León.
En Galicia, en contraste, vivirase unha fin de semana máis tranquila na maior parte do territorio. Á marxe desta calma, non se descartan chuvascos de tipo tormentoso en Lugo e Ourense. Os sistemas montañosos da zona oriental serán a parte da comunidade onde se recollerán máis precipitacións. A pesar de que a dana afectará na súa maioría aos territorios nororientales do país, o interior da comunidade acumulará precipitacións durante toda a fin de semana.
Galicia vivirá nos próximos días unha situación de inestabilidade atmosférica. A xornada do venres estará marcada pola baixada das temperaturas, especialmente en rexións do interior como a comarca de Valdeorras, ou o sur da provincia de Lugo. Esta baixada chegará a Galicia coas brumas do litoral, e afastará a calor dos días anteriores.
O sábado e o domingo deixarán ceos parcialmente nubrados, con alternancia de nubes e claros. O tempo será inestable en toda a comunidade. Na tarde do sábado, as brumas do litoral convivirán coas tormentas e choivas do interior. Durante o domingo continuará a tendencia decrecente das temperaturas, e, cara ao final do día, acadarase unha maior estabilidade atmosférica en toda a comunidade.