A Policía volve deter ao produtor porno Torbe, acusado agora de agresión e explotación sexual

E outra vez máis. Efectivos da Unidade Central de Redes de Inmigración e Falsidades Documentais (UCRIFD) da Policía Nacional detiveron este mércores en Madrid ao popular produtor e director porno biscaíño Ignacio Allende Fernández, máis coñecido no mundo do cine para adultos como Torbe. Este novo arresto, en colaboración Inspección de Traballo e Seguridade Social, é polos cargos agresión sexual, prostitución (explotación sexual), coaccións, contra os dereitos dos traballadores e pertenza a organización criminal.

Esta nova detención de Torbe prodúcese só un mes e medio despois de que o pasado 13 de febreiro Allende fose arrestado no aeroporto madrileño de Barajas tras chegar a España procedente dun voo de Cuba a raíz dunha denuncia por delitos de agresión sexual, detención ilegal e trata de persoas. Aquela detención de febreiro a mans de axentes da Brigada Provincial de Estranxeiría e Fronteiras a Xefatura Superior de Madrid partiu da denuncia dun mozo de orixe suramericana, que alegou que viaxou a España enganada por Torbe e que, unha vez no país, foi retida polo produtor nun piso, mentres —sempre segundo o testemuño da muller— Allende abusaba dela. Entón, o produtor quedou en liberdade con cargos, aínda que sen medidas cautelares tras ser posto ao dispor xudicial.

Hai só un ano e medio, o produtor biscaíño foi condenado, tras un acordo coa Fiscalía, a dous anos de cárcere por difundir senllas gravacións de contido sexual nas que aparecían dúas mozas menores de idade. Torbe, no entanto, xa tiña unha condena anterior o no 2008, esta vez un ano de pena, por corrupción de menores.

No 2016, Torbe, tras a detención pola difusión do vídeo das dúas menores, xa estivo en prisión durante sete meses, ata que pagou os 100.000 euros que lle impuxeron de fianza á espera do xuízo no que logo chegou a unha conformidade coa Fiscalía.

---

---

---