A Real Academia Galega investirá este venres a Henrique Monteagudo como o seu novo presidente
SOCIEDADE
Natural de Muros, é catedrático de Filoloxía Galega da Universidade de Santiago de Compostela
03 abr 2025 . Actualizado á 16:57 h.Este venres, a Real Academia Galega (RAG) nomeará oficialmente a Henrique Monteagudo como o novo presidente da entidade nun pleno extraordinario este venres. Nacido en Muros (1959), o catedrático de Filoloxía Galega da Universidade de Santiago de Compostela é membro de número da RAG dende o ano 2012 e coordinador do Seminario de Sociolingüística da institución, ademáis de contar cun amplo currículo académico internacional, en universidades europeas e americanas.
Finalizado o prazo de presentación de candidaturas, a do que tamén exerceu coma secretario da institución entre 2013 e 2021 e vicesecretario dende marzo, foi a única presentada. O futuro presidente dará unha rolda de prensa este venres ás 19.00 horas no salón real do pazo municipal da Praza de María Pita, en A Coruña.
A súa labor investigadora comenzou nos anos oitenta e a sociolingüística e os estudos sobre a normalización da lingua galega son temas centrais do seu traballo. É doutor pola USC coa tese Ideas e debates sobre a lingua (1916-1936). Alfonso D. R. Castelao e a tradición galeguista, que foi distinguida co premio extraordinario de doutoramento. Entre outros títulos, destacan Historia social da lingua galega (1999), recoñecido co Premio Losada Diéguez de Investigación, O idioma galego baixo o franquismo: da resistencia á normalización (2021) ou o seu discurso de ingreso na RAG, Facer país co idioma: sentido da normalización lingüística.
O experto en sociolingüística diririu diversas contribucións sobre a evolución do galego dende finais do século XX ate a actualidade, parte delas no seo do Seminario de Sociolingüística da RAG. A achega máis recente neste campo foi o Informe sobre a situación da lingua galega segundo os datos do Instituto Galego de Estatística de 2023, aprobado no pleno da institución en decembro de 2024.
Tamén se centrou na traxectoria de Castelao, e sobre a súa obra publicou diversas aportación, como edicións da oratoria e dos textos sobre o ideario lingüístico do intelectual galego e a súa biografía divulgativa, A forxa dun mito (2021). A súa vez, se centrou noutros grandes nomes das letras galegas, coma Rosalía de Castro, Otero Pedrayo, Ramón Piñeiro ou Carlos Casares.
No ano 2009, foi galardoado co Premio da Crítica de Galicia, na modalidade de investigación, pola súa publicación sobre as orixes da escrita en galego na Idade Media, Letras primeiras: o foral do Burgo de Caldelas, os primordios da lírica trobadoresca e a emerxencia do galego escrito.