O fenómeno meteorolóxico cobre Pequín e a outras catorce rexións do país. 2,3 millóns de quilómetros cadrados están cubertos por unha neblina laranxa.
11 abr 2023 . Actualizado ás 21:39 h.Unha forte tormenta de area golpea a quince rexións de China e xa afecta a máis de 400 millóns de persoas. A nube de po que xa pasou por Mongolia agora cobre a Pequín e ao norte do país asiático. As autoridades sanitarias emitiron a alerta polas dificultades para ver no medio da densa atmosfera e instaron aos cidadáns a cubrirse boca e nariz e mesmo ollos para evitar posibles danos.
Preto de 2,3 millóns de quilómetros cadrados están cubertos por unha neblina laranxa. Segundo os meteorólogos, este fenómeno é o resultado da coincidencia entre un ciclón con fortes ventos e unha fronte fría, despois dun período con temperaturas máis altas que favoreceu o levantamento da area do deserto de Gobi. A falta de precipitacións tamén impulsou o avance da tormenta.
A cidade de Pequín, na que viven máis de 21 millóns de persoas, atópase en alerta azul -a menor na escala de catro niveles- polos vendavais que arrastran as partículas flotantes de area e po, os cales iniciaron o luns e estenderanse ao longo deste martes, segundo as previsións. E as autoridades de turismo solicitaron o peche das principais atraccións e espazos de lecer ao aire libre por razóns de seguridade. Xa que os índices de calidade do aire chegaron a estar por amais dos 1.100 puntos, nivel considerado extremadamente perigoso.
Este fenómeno adoita rexistrarse no país entre marzo e abril. Con todo o Servizo Nacional Meteorolóxico rexistrou xa casos desde comezos do ano. China sufriu cinco destes eventos no que vai do ano, tres deles o mes pasado. O que sería o maior número de tormentas na última década.
