Pippa, de 35 anos, chamou a atención na voda do venres porque foi unha das invitadas máis elegantes
17 oct 2018 . Actualizado ás 07:55 h.Da voda de Eugenia de York non fixeron máis que florecer bebés. O luns foi Meghan Markle quen anunciou que agarda o seu primeiro bebé e poucas horas despois, Pippa Middleton deu a luz ao seu primeiro fillo, aínda que o palacio de Kensington non o fixo público ata onte para non restar protagonismo aos duques de Sussex. O luns pola mañá, o seu marido, James Matthews, foi fotografado entrando con dúas grandes bolsas na á Lindo do hospital Saint Mary, onde Kate Middleton deu a luz aos tres reais curmáns do futuro bebé. Pippa, de 35 anos, chamou a atención na voda do venres porque foi unha das invitadas máis elegantes.
primeiros agasallos
Enrique e Meghan seguen coa súa xira polas antípodas. Onte, o gobernador xeral de Australia , Peter Cosgrove, entregoulle os primeiros agasallos para o bebé, un peluche dun canguro e unha talla mini dunhas famosas botas de pel de cabra. A duquesa xa non oculta o seu ventre e onte luciu un cinguido vestido branco.
voda de altura
Pau Gasol anunciou onte nas súas redes sociais que contraerá matrimonio coa súa noiva Catherine McDonnell, de 29 anos. «Son moi afortunado de estar prometido a unha muller tan marabillosa e con moitas ganas de gozar da vida xuntos!», escribiu.