O intérprete australiano, cuxa carreira despegou co papel de Cole Turner na serie «Enmeigadas», faleceu aos 56 anos «tras un valente esforzo por superar o cancro»
05 jul 2025 . Actualizado á 12:13 h.O actor australiano Julian McMahon, o Doutor Morte nas dúas películas dos Catro Fantásticos entre o 2005 e o 2007 e do doutor Christian Roy na serie A golpe de bisturí, morreu en Clearwater (Florida), aos 56 anos de idade vítima dun cancro, segundo un comunicado da súa esposa Kelly McMahon. Segundo o comunicado, enviado á revista Deadline, o falecemento produciuse o pasado 2 de xullo.
«Co corazón aberto, desexo compartir co mundo que o meu amado esposo, Julian McMahon, faleceu en paz esta semana tras un valente esforzo por superar o cancro», explicaba Kelly McMahon.
«Julian amaba a vida. Amaba á súa familia. Amaba aos seus amigos. Amaba o seu traballo e amaba aos seus fans. O seu maior desexo era levar alegría a tantas vidas como fose posible. Pedimos apoio nestes momentos para que a nosa familia poida chorar a perda en privado. E desexamos que todos aqueles a quen Julian trouxo alegría sigan atopando alegría na vida», finaliza a mensaxe.
McMahon fixo o papel do doutor Christian Roy na serie A golpe de bisturí, creada por Ryan Murphy no 2003 e que gaño un premio Emmy e un Globo de Oro.
A súa carreira despegou co papel de Cole Turner en Enmeigadas, unha serie de 1998 e que estivo en antena case oito tempadas e na que compartiu pantalla con Alyssa Milano e Shannen Doherty, tamén falecida no 2024 tras unha longa batalla contra o cancro. Tamén participou en FBI:Most Wantedl, serie do 2020.