Desestiman a autorización administrativa para tres parques eólicos na Baña, Santa Comba e Val do Dubra
VAL DO DUBRA
Green Capital solicitou esa actuación ante a caducidade dos permisos de acceso e conexión á rede de transporte en Mesón do Vento
11 feb 2025 . Actualizado á 05:05 h.O Ministerio para a Transición Ecolóxica e o Reto Demográfico fixo públicas tres resolucións polas que se desestiman outras tantas solicitudes de autorización administrativa previa de parques eólicos. Trátase de Monte Silvariño, cunha potencia instalada de 66 megawatts; de Monte de Portochán, con idéntica potencia; e dAs Castiñeiras, de 54 megawatts. Nos tres casos era Green Capital quen estaba detrás dos proxectos, con afectación aos municipios da Baña, Santa Comba e Val do Dubra. O rexeitamento débese á caducidade dos permisos de acceso e conexión á rede de transporte en Mesón do Vento, polo que a propia empresa solicitou a desestimación das súas solicitudes.
Por outra banda, Val do Dubra foi escenario o domingo dunha das mobilizacións de Eólica Así Non que se desenvolveron en toda Galicia para demandar a paralización da implantación de proxectos eólicos ata que se aprobe un novo plan sectorial.