O pleno debaterá a proposta, que inclúe unha homenaxe a Teenses pola Igualdade
25 abr 2025 . Actualizado á 05:05 h.O Concello de Teo proporá o nomeamento do actor Roberto Vilar e do artista Rafael Romero Masiá como fillos adoptivos do municipio, ademais dunha mención honorífica a Teenses pola Igualdade.
A alcaldesa, Lucía Calvo, que se reuniu onte con Roberto Vilar, Rafael Romero Masiá e Zora Leis para comunicarlles a proposta de recoñecementos que debaterá o pleno da próxima semana, destacou o seu labor en favor da cultura, a arte e a aposta pola igualdade de oportunidades.