Un camión perde bombonas de gas na AP-9 en Santiago e un turismo que circulaba detrás choca contra unha

Un camión que transportaba bombonas de gas butano e propano perdeu parte da súa carga cando circulaba ás 8.30 horas á altura do quilómetro 75 da autoestrada AP-9, ao seu paso pola parroquia de Conxo, en Santiago.

Unha das bombonas que caeu á calzada chocou contra un turismo que circulaba detrás do camión, sen que resultase ferido o condutor, que foi o que deu a voz de aviso ao 112 Galicia, que rapidamente enviou á Garda Civil de Tráfico.

Os axentes do instituto armado procederon a retirar da calzada as bombonas caídas para evitar máis danos a vehículos. A circulación neste tramo da AP-9 non se viu moi afectada polo incidente e non se produciron grandes atascos.

---

---

---