Concluíron a súa formación no CHUS despois de cinco anos
25 may 2024 . Actualizado á 05:00 h.A Área Sanitaria celebrou onte o acto de despedida a 26 médicos residentes que concluíron a súa formación, iniciada en maio do 2019 e cuxa especialidade require cinco anos, e os de enfermería especialista en Familia, Pediatría e Saúde Mental, de dous anos. O resto concluirán en setembro, mes no que se incorporaron hai catro anos debido á pandemia. O xerente da Área Sanitaria, Anxo Facio, agradeceu o traballo de todos os residentes e titores. Facio estivo acompañado pola directora de Enfermería, Vitoria Carral, así como o decano de Medicina, Julián Álvarez, Rogelio Leira e Sergio Cinza.