Ocorreu nunha pista próxima á vía N-550 na parroquia de Cruzamentos, con dous vehículos implicados
14 may 2025 . Actualizado á 11:41 h.Cinco persoas feridas é o resultado dun accidente de tráfico ocorrido na noite do martes en Padrón, concretamente nunha pista próxima á vía N-550, na parroquia de Cruzamentos, no que se viron implicados dous vehículos. Foi un particular o que avisou ao servizo 112 Galicia dez minutos despois das 23:30 horas do martes, de modo que na chamada apuntaba a que podería haber persoas feridas no accidente por alcance entre dous vehículos. Con esta información, os xestores do Centro Integrado de Atención ás Emerxencias solicitaron a intervención de Urxencias Sanitarias de Galicia-061, da Guarda Civil de Tráfico e do GES de Padrón.
Desprazados no punto, os servizos de emerxencias confirmaron que había cinco persoas feridas e todas elas foron trasladadas ao Hospital HM Rosaleda de Santiago.