Tamén actuarán Herba Grileira e Festicultores Troupe
20 ago 2025 . Actualizado á 04:55 h.Melide baixa o pano este mércores a sete xornadas de festa con outro dos pratos estelares da programación: a actuación da orquestra París de Noia. Será a partir das 00.30 horas no Cantón de San Roque.
Pero haberá máis actividade nesta última xornada musical. Ás 11 horas, Herba Grileira ofrecerá o pasacalles. Despois, ás 19 horas, na Praza do Convento, o público familiar terá unha cita cOs Bolechas e o seu espectáculo «Ou gran reto deportivo». Xa na recta final, ás 22.30 horas, no Cantón de San Roque, chegará a quenda de Festicultores Troupe.
Aínda que sen música, mañá xoves, os máis pequenos de Melide poderán dar continuidade á festa coa celebración do Día do Neno. Desde as 17 horas as atraccións terán descontos e, ás 18 horas, repartirán xeados e zumes gratis.