A operación culminou con 5 detidos e interveuse gran cantidade de droga
05 jul 2025 . Actualizado á 13:01 h.Cinco persoas detidas, máis de 180 gramos de cocaína; 1,5 quilos de cogollos marihuana e 22 bolsitas da mesma substancia cun peso aproximado de 109 gramos, e 4 bolsitas de haxix cun peso de 40 gramos é o balance da operación levada a cabo polo equipo Roca de Guardia Civil de Santiago en colaboración co de Melide, e que permitiu desmantelar unha rede familiar de tráfico de cocaína en Arzúa e Melide.
Os detidos son un home de 30 anos e a súa parella de 27, ambos os veciños de Arzúa; un muller de 55 anos e outra de 23, de Melide; e un home de 50 anos, veciño de Vilanova de Arousa, identificado como presunto provedor da substancia estupefaciente. Os detidos pasaron ao dispor do Xulgado de Instrución nº 1 de Arzúa, que ditou o ingreso en prisión dun deles, e liberdade con cargos para os outros catro.
A operación iniciouse o pasado mes de xaneiro ao detectarse unha «constante trasfega de potenciais consumidores» ao redor dun local de hostalería de Melide. Este establecemento sería presumiblemente o epicentro da trama, e usábase «como punto de venda encuberto», segundo destacan a Garda Civil. Desde aí distribuíase ás comarcas de Terras de Melide, Arzúa, Ulloa e Deza.
Durante as investigacións levaron a cabo seis rexistros domiciliarios en inmobles e locais directamente vinculados aos investigados. Nestes lugares interveuse a droga xa mencionada, e máis de 37.000 euros en efectivo. Parte do diñeiro estaba oculto en dobres fondos e envases camuflados. Os investigadores destacaron o achado de 30.000 euros selados e envasados ao baleiro ocultos na tapa dunha persiana. Así mesmo interveuse unha báscula de precisión, dous vehículos e cinco teléfonos móbiles, xunto a outros dispositivos electrónicos. No rexistro dunha vivenda localizouse unha plantación Indoor de marihuana.
Nas pescudas da Garda Civil confirmouse que o grupo facía uso do local de hostalería de Melide como «tapadeira para a venda directa da cocaína», para o que empregaban unha «operativa constante baseada en reparticións encubertas, entregas rápidas e contacto directo cos consumidores». A estrutura estaba xerarquizada, «con funcións claramente repartidas». Aos detidos impútaselles tráfico de drogas, pertenza a grupo criminal, branqueo de capitais, e resistencia e desobediencia a axentes da autoridade.