Brenda Mondelo gaña en Dodro o premio de poesía Lorenzo Baleirón

La Voz SANTIAGO / LA VOZ

DODRO

Brenda Mondelo naceu en Pedrafita do Cebreiro (Lugo).
Brenda Mondelo naceu en Pedrafita do Cebreiro (Lugo). Cedida

O acto de entrega do premio celebrarase o 10 de decembro e o poemario publicarase o próximo ano

20 novs 2022 . Actualizado ás 19:16 h.

Coa obra «Neve», Brenda González Fernández (Pedrafita do Cebreiro, 1994), literariamente coñecida como Brenda Mondelo, é a gañadora do XXXV Premio de Poesía Eusebio Lorenzo Baleirón, convocado polo Concello de Dodro e fallado por un xurado formado por Inmaculada López Silva, Emma Pedreira e Rebeca Baceiredo, que valorou os 51 poemarios presentados ao certame.

O xurado destacou na obra gañadora «a orixinalidade do tema proposto, así como do seu tratamento. Trátase, ademais, dunha aposta non exenta de risco na busca de poetizar a narratividade. Por outra parte, a pesar de ter dous protagonistas recoñecidos, consegue rompero os clixés históricos arredor destas dúas figuras que constitúen o eixo principal do libro».

O acto de entrega do premio celebrarase o 10 de decembro no CPI Lorenzo Baleirón, de Dodro, e o poemario será publicado no 2023.