O pleno aprobou a proposta de obras para acollerse ao POS Adicional da Deputación
13 sep 2025 . Actualizado á 17:26 h.O investimento aprobado polo pleno de Arzúa para acometer reparacións na rede viaria municipal con cargo aos fondos adicionais do plan POS da Deputación da Coruña ascende a un total de 450.621 euros. Aos 318.945 euros consignados para o acondicionamento de oito pistas en Dodro, Castañeda, Burres, Maroxo, Lema e Rendal, e para o pavimento da rúa Piñeiral, súmanse 131.675 euros máis para outras intervencións viarias en San Martiño, Santo Estevo, Santa María e A Mella.