Rexeitan indemnizar a unha muller por unha caída sufrida no edificio Cersia en Santiago
SANTIAGO
O Consello Consultivo afirma que a solicitude foi presentada cando xa prescribira o tempo para facelo
04 ago 2025 . Actualizado á 05:00 h.O Consello Consultivo de Galicia avalou a decisión do Concello de Santiago de desestimar a concesión dunha indemnización de 64.400 euros a unha muller que sufriu unha caída para mediados de marzo do ano 2002 dentro do edificio Cersia.
O órgano consultivo considera que a solicitude da indemnización —rexistrada o pasado 25 de xaneiro— foi presentada cando o prazo para poder facelo xa prescribira. Na súa resolución lembra a normativa aplicable, detallando que o dereito para reclamar nun procedemento de responsabilidade patrimonial «prescribirá ao ano de producido o feito ou acto que motive a indemnización ou se manifeste o seu efecto lesivo». Respecto diso, engade que a reclamante «tivo coñecemento de todas as secuelas unha vez se lle comunicou, entre outros, o resultado da electromiografía, conforme o recollido no informe do departamento de neurofisioloxía do CHUS», que ten data do 3 de marzo do 2023. Por iso, considera que esta era a última data para poder presentar a reclamación.
A muller sufrira como consecuencia da caída no edificio Cersia unha fractura do radio a nivel da boneca, segundo recóllese a resolución do Consello Consultivo, que xa non valora se a caída é indemnizable.