Xuso Jones revoluciona a Praza de Abastos de Santiago coa gravación do programa televisivo «Sábeo, non o sabe»

A Praza de Abastos de Santiago e a súa contorna volveu converterse onte nun estudio de televisión durante a gravación do programa de televisión Sábeo, non o sabe, presentado por Xuso Jones. O polifacético e simpático cantante, actor e influencer leva uns días rodando por Galicia a nova tempada do concurso de Catro que pon a proba a cultura xeral dos viandantes. 

A cadea anunciou recentemente unha nova tempada deste programa, presentado entre 2012 e 2014 por Juanra Bonet, no que o concursante debe buscar pola rúa a outras persoas que respondan por el, fiándose do seu instinto e da aparencia da xente. 

---

---